Wong Mati dikei Kredit, Oknum Pegawai BPR Kebacut

oleh

Oleh Eko Purnomo

Lintasbojonegoro.com – SAK umpamane nok ndonya iku uwong mati entuk balek, raketang sedinoo maneh bali, menawa akeh mayit tangi nengging manungsa sing nggelakno. Kaya dene almarhum mbah Sudiono, mergo greteten dekne ra nduwe urusan bank (wis ganti alam akhirat) jenenge difitnah jare ninggal utang.

Lha anak’e ora ngerti kog diuberi jare pak’e nduwe utang. Menawa ing alam barzah swargi mbah sudiono sak umpomo ora dudu priyayi apik, menawa yo misuh – misuh marang sing elek – elek lan mitnah, menawa yo misuh, “Dancuuuuk, aku ra piye piye anakku kog diuber uber petugas PD.BPR Bojonegoro.”

banner

Pancen salah siji oknum pegawai bank BPR kui Kebacut, mbah Sudiono wes mati, jenege sek dijalukno kredit nok bank.

Kepingin sugih kena, jalaran iku kodrate menungso urip ing ndonya. Duwik tumpuk tumpuk tumpuk, omah gedong magrong magrong. Mobil kinyis kinyis demenan mblader setengahe angger wong bathuk klimis.

Nanging ojo mbanjur nyuthat nyathut jenenge uwong. Malah malah jenenge uwong mati sing dienggo.

Yen mitnah ijek podho uripe ngene idul fitri pethuk banjur salaman jaluk nyepuro. Lha nak nok wong mati piye, sepurane nok,sopo. Eeh..hem..hem.

Babagan mati, ibarate bojo ayu anak ayu, disekolahno dikuliahno, ditanggapno pengajian,kentrung, tayub, kadang ijek absen anggone silaturahmi nok pesareane. Lha uwong liyo wani wani ngutang nganggo jenenge.

Tur maneh, tahun 2011 mati, taun 2015 kog bisa utang, jan jane management BPR kuwi piye?? sing wonge meger meger urip, wae diengel-ngel. Lha engko setan dielek elek, gek gek, gendruwo membo. Alaaaah, opo gak cepet entek no dueit bongkok-an nok BPR.

Iki ora ndarani kong kalikong tapi banjur piye , kog prihatin, dadi tambah mesak’e, marang Almarhum mbah,Sudiono.

Hayoo brow, bareng bareng atur Alfatikhah, ganjarane ditujukno nok swargi mbah Sudiono. Lahumul fatikhah…bersambung. Nuwun.**(Ek/Red).

banner