Perjuangane Darsono Dadi tukang Tambang Prahu 32 Taun

oleh

Reporter Eko Purnomo

Bojonegoro – DARSONO pak’e Riyan, dadi juru mudi utowo mualim (tukang tambang prahu) kanggo nyabrangno uwong, barang, lan wedus, wes dilakoni ora kurang soko 32 taun nok tambangan Mori Kecamatan Trucuk.

Pancen ngakoni ae yen tukang tambangan prahu ing bengawan solo iku yen diarani rekasa pancen rekasa banget. Opo maneh yen wayah rendeng utawa banjir.

banner

Durung yen pintu air bendung gerak sak wayah – wayah dibukak, isine yo kesel dandan pasohan (woot/dermaga). Senadjan pring, nanging lempok yo kasoh campur menggeh – menggeh campur ngongsrong.

Kadang direwangi ngene cak cak ane, kadang uwong nyabrang durung kenal, mung numpak thok. Engko pas ape wedun, kondo ” Engko lek nak balik, mesisan”, Jebule gak balik.

Pancen tambangan sabrangan desa Mori kecamatan Trucuk – dusun jara’an desa ngablak kecamatan Dander iku pancen rodo anjooor ndjulek yen wayah ketigo.

Tambangan sabrangan Mori iki yo giliran , yen awan prahu loro (2), nak wis surup mung siji (1). Sepi ramene yo nak ana uwong duwe gawe (hajatan), udan deres campur bledhek yo tetep 24 jam.

Minangka ceperan yaiku, yen wayahe nggawan gedhe yen durung ana penumpang sinambi golek sarah kayu kirotan. Yen ketigo ulan Agustus ngene iki sinambi mancing.

Biyen isih nganggo welah lan sing ngarep nganggo dayung. Sak durunge nganggo baling baling diesel.

Pancen kudune sabar nrimo pandumane GUSTI Allah. Bab entuk’e rejeki. Babagan anane jembatan Trucuk-klangon, yo rapatio ngurangi rejeki.

Sesantine nyambut gawe,sregep, setiti ati – ati pasrah neng kersane GUSTI . Budal Bissmillah, rampung Alhamdulillah, rejeki lancar ugi Barakah, ammiinn. NUWUN.**(Ek/Red).

banner