Cerito Demit sor Treteg Ngulanan, Rikala Treteg Sepur didandani

oleh

Oleh Eko Purnomo

Lintasbojonegoro.com – Rikala rel sepur ditambahi sak jalur, treteg sepur Deso Ngulanan Kecamatan Dander – Bojonegoro melu didandani, akeh begejil mudal. Ngger bar udan, utawa pas udan rimis – rimis, podho petan, katon koyo bintang iklan.

Miturut ceritane om Taqim warga Ngulanan RT 6, salah sawijining nom noman kendel ora wedi gendruwo, banaspati, wewegombel lan sak piturute.

banner

Sak jroning dalan sepur pinggire diuruq, banjur anak putune setan begejil ungkrap, nganti uwong cumpleng, balongsumber, kawis. Podho ora wani lewat nak durung sak rampunge wayahe uwong mudhun saka jamaah shalat Subuh.

Jalaran akeh sing ape dinunuti wewe membo uwong jare nunut ko pasar. Dilalah angger teko pinggir kuburan madean idep – idep ilang.

Semono ugo sing ko etan ugo dinunuti uwong saka Molaine gapura selamat datang. Yo nunut mudhune nok Treteg terowongan jurusan nok daleme pak kyai Shokib Soim.

Lha kadang om takim angger ono udan rimis – rimis manjing sandeolo, mesti nawani sing gelem ,” hayo ndelok wong ayu ayu petan golek tumo,” Ngendikane Om Taqim.

Jare om Taqim mangkene,” bekakas iku nak petan rukun – rukun kadang nggandheng nganti 6-7-, mubeng. Yaiku. B metani A, B dipetani C, C dipetani D, D dipetani E. E dipetani F, lha F dipetani A, (sepurane radha jorok) Poro demit iku nganggo rok cuma ora nganggo dhuwuran.” Critone Taqim.

Kahanan iku miturut pendapate camat malo. M. Arifin, S.Sos.MM. Ngendiko, bab demit iku pancen bener – bener ono. Dudu cerita fiksi, soale alam iku enek alam nyata lan alam ghoib. ” Pokok’e, cerita sing nganggo basa jawa, tolong terusno ae, sutrisnane sing maos ugo akeh. Basa jawa jonegoroan, ojo jowo solo/ yogyakarta, malah kewohan gluthak glathuk ra ngerti maknane. Pokok e. Boso jowo dialeg saben dino, ae,” Ngendikane Pak Camat.

Pancen meh endi endi panggon, ora mung kuburan lan grumbul sing dadi panggon setan demit, lha wong cedhak masjid ae yo ono dhemite. Mulane dadi uwong urip ojo kemlete, mergo setan ngerti kahanan manungso. Tapi manungsa jarang sing ngerti pasar lan omahe setan.(Ek/Red).

Foto : Ilustrasi

banner