Angen Angene Sing Pingin Ndang Bisa Liwat Jembatan Trucuk

oleh

Oleh : Eko Purnomo

Lintasbojonegoro.com – IKI dadi pangangen – angene wong akeh, kasunyatane kapan cincim (Jembatan), Trucuk – Klangon (Bojonegoro) bisa diliwati pawongan mlayu. Numpak onthel, uduk, praoto, odong-odong, utowo mobil kinyis kinyis.

Nanging kawit durung jamane Bumi Nuswantara Merdeka, Warga desa Trucuk, Tulungrejo, Guyangan, Padang, Mori, sumberjo kenthong, Kandangan, pagerwesi, Sranak. Wis ora gumun lan ora ewuh pakewuh lan ora gerahen utowo kemrungsung pingin ndang liwat.

banner

Saiki malah podho gawe jembatan swadaya. Arupa cincim sesek,sisetan pring utowo cagak gaplok bonkotan bambu. Mung angger pintu bendung gerak munjuk surut ora ngabari dhisik lha iku, kadang dadi mesa-ake, poro pengelola sabrangan.

Mung saiki anane digawekno cincim sing, urung dadi nganti saiki, yo setengahe diarep arep yo diben sak dadi dadine. Mergo warga sadar lan cerdas, ibarat “Tak ada rotan akarpun jadi”.

Mulane unen unen dadine cincim kog koyo suwene godokan remuk an wedi utowo pasir. Alias ra dadi dadi. Jare kang suroso, sing penting yo melu liwat, ora dadi dadi yo dienteni. Sabar slamet .

Pancen meh iso diarani, ra dadine Cincim koyo Gendhing, “logo mengenal tukhule jamur ing mongso ketigo”.

‘Luwih prasojo nimas ojo agawe kuciwo.”
Pangangen angen , umpomo cincim dadi bisa dadi njembarake laladan kutho Bojonegoro, kuliner Trucuk specialise ngolah congor sapi dadi embel embele rujak cingur, sikil sapi dadi kikil, kulit dadi rambak.

Kahanan rukune petinggi pamong desa sak Tlatah /kecamatan Trucuk, rukun – rukun, para Gumentene yo tegas trengginas grapyak nyedulur lan ora ono kang dadi tukang sedul.

Sing penting ojo nerak paugeran utawa ojo nganti nabrak/melanggar tatanan negara lan,agama. Ki jembatan prasojo kahanane nanging migunani. Nuwun.***\(Ek/Red)

banner